நான்கு கோடுகளால் உருவாக்கப்பட்ட ஒரு நாற்கோட்டத்தில் (quadrilateral) நான்கு பக்கங்களும் சமமாகவும், இணையாகவும் இருந்து நான்கு கோணங் களும் சமமாக, ஒவ்வொன்றும் 90° இருப்பின், அது சதுரம் எனப்படும். நான்கு பக்கங்கள் மட்டும் சமமாக இருக்கும் நாற்கோட்டம், சாய்சதுரம் (rhombus) எனப்படும். இது இணைகரத்தின் ஒரு வகையாகும். மூலை விட்டங்கள் ஒன்றையொன்று செங்குத்தாக வெட்டிக் கொள்ளும். ஒரு பக்கத்தையும் உயரத்தையும் பெருக்கினால் கிடைக்கும் தொகை சாய்சதுரத்தின் பரப்பிற்குச் சமமாகும். மூலை விட்டங்களின் பெருக்குத் தொகையில் பாதியும் இதன் பரப்பிற்குச் சமமாகும். —பங்கஜம் கணேசன்