பொய்கைப் பாக்கம் என்னும் ஊரினர்; கி.பி. 19–ஆம் நூற்றாண்டில் வாழ்ந்தவர்; கி.பி. 1871–ஆம் ஆண்டு ‘விவேக சிந்தாமணி’, என்னும் நூலை இயற்றியுள்ளார். இந்நூல், நீதி சிந்தாமணி, வெள்ளைச் சிந்தாமணி எனவும் பெயர்பெறும். இதில் 135 பாடல்கள் உள்ளன. உலகியல் அறங்கள், மாந்தர் இயல்புகள் ஆகியன இந்நூலில் சிறப்புற விளக்கப் பெற்றுள்ளன. இந்நூல் நிசகுணயோகி தொகுத்த விவேக சிந்தாமணியின் வேறானதாகும்.நா.ஜெ.