சுளகு (விசாகம்) இராசிச் சக்கரத்தின் ஏழாம் மண்டலம் துலாம் (libra). இதில் ஒளி மிகுந்த விண் மீன் இல்லை என்றே சொல்லலாம். பால் வழிக்குச் (millky way) சற்று வெளியில் இம்மண்டலம் அமைந்துள்ளது. ஆல்ஃபா, டெல்டா, பீட்டா என்னும் விண் மீன்களால் உருவாக்கப்படும் முக்கோணத்தைக் கொண்டு, இதை அடையாளம் கண்டு கொள்ள இயலுகிறது. ஆல்ஃபா லைப்ரா என்பது ஒரு நீள் வட்டத்தில் இயங்கி, ஓர் அழகு வாய்ந்த இரட்டை நீள் வட்டமாகத் தோற்றமளிக்கிறது. பீட்டா என்பது பச்சை வெள்ளை நிறத்திலுள்ளது. இவற்றின் பொலிவுப் பரிமாணம் 2-3க்கு இடையிலிருப்பதாகக் கணக்கிட்டுள்ளனர். சுளகு (விசாகம்) என்பது நான்காம் பொலிவுப் பரிமாணத்தைக் கொண்ட விண் மீனாகும். இதைச் சுற்றி, அழகு வாய்ந்த விண் மீன் கூட்டங்கள் வட்டமிடுகின்றன. —எம். அரவாண்டி