{"licence": "CC BY-SA 4.0", "licence_url": "https://creativecommons.org/licenses/by-sa/4.0/", "attribution": "Oliyon Nigandu (Oliyon Research), https://nigandu.oliyonresearch.com", "api": "https://nigandu.oliyonresearch.com/api/", "api_url": "https://nigandu.oliyonresearch.com/api/v1/entries/mxcr2tu5/", "data": {"id": "mxcr2tu5", "url": "https://nigandu.oliyonresearch.com/e/mxcr2tu5/", "kind": "article", "headword": "நுண்ணுயிர்த் தரம்", "romanization": "nuṇṇuyirt taram", "pos": "", "disputed": false, "revision": 1, "published_at": "2026-10-26T12:59:01.817353+00:00", "etymology": "", "variants": [], "related": [], "categories": [], "senses": [], "summary_ta": "நுண்ணுயிரிகளால், மனித இனத்திற்கு ஏற்படும் நன்மைகள் பலவாகும்.", "body_ta": "நுண்ணுயிரிகளால், மனித இனத்திற்கு ஏற்படும் நன்மைகள் பலவாகும். தரமுள்ள நுண்ணுயிரிகளால், தொழில் துறையில் பல்வேறு முன்னேற்றங்கள் ஏற்படுகின்றன. உணவாகப் பயன்படும் நுண்ணுயிரிகள். பூசணங்களின் இனத்தைச் சேர்ந்த காளான்கள், சுவை மிக்க உணவுப் பொருளாகப் பயன்படுகின்றன. வால்வேரி வல்வேசியா (Volvariela volvacea) என்னும் வைக்கோல் காளான், அகேரிகஸ் பைஸ்போரஸ் (Agaricus bisporus) என்னும் மொட்டுக் காளான், பிளிரோட்டஸ் சஜோர்–காஜு (Pleurotus sajorcaju) என்னும் சாம்பல் நிறச் சிப்பிக் காளான் ஆகியவை உணவுக்காகப் பயன் படுகின்றன.\n\nஉணவில் புரதச் சத்துப் பற்றாக்குறையை நீக்குவதற்குப் பல்வேறு நுண்ணுயிரிகள் பயன் படுகின்றன. தற்போது சக்கரோமைசிஸ் என்னும் ஈஸ்ட் வகை நுண்ணுயிரிகள் வளர்க்கப் பட்டுக் காய வைத்து, உணவாகப் பயன் படுத்தப் படுகின்றன. அவற்றுடன் தயாமின், ரைபோபிளேவின், நியாசின் போன்ற வைட்டமின் சத்துகள் சேர்க்கப் பட்டுச் சிறந்த உணவுப் பொருளாக உட்கொள்ளப் படுகின்றன. டாருலாப்சிஸ் என்னும் ஈஸ்ட் தூளாக விற்கப் படுகிறது. கூடுதலான அளவு புரோட்டீனும், வைட்டமின் B-யும் உள்ளமையால், இவை மனித இனத்திற்கும், விலங்கினத்திற்கும் சிறந்த உணவாகப் பயன் படுகின்றன. பாசி இனத்தைச் சேர்ந்த குளோரெல்லா (Chlorella), ஸ்னெடெஸ்மஸ் (Scendesmus) போன்றவை விலங்கினத்திற்கு உணவுப் பொருளாகப் பயன் படுகின்றன. குளோரெல்லா என்னும் பச்சைப் பாசி மிகச் சிறந்த உணவுப் பொருளாகக் கருதப் படுகிறது. ரொட்டியின் பொங்கும் தன்மை, மணம், மென்மை, சுவை ஆகியவற்றிற்கு நுண்ணுயிரிகள் பெரிதும் பயன் படுகின்றன. சக்கரோமைசிஸ் செரிவிசியே என்னும் ஈஸ்ட் உயிரணுக்கள் ரொட்டி செய்தலில் பயன் படுகின்றன. அரிசி மாவைப் பதப் படுத்துவதில் ஈஸ்ட், லேக்டோபேசிலஸ், லியூகோனாஸ்டாக் போன்ற உயிரணுக்கள் பயன் படுகின்றன.\n\nமது பானங்கள். ஈஸ்ட்டுகளைப் பயன் படுத்தி, மாவுப் பொருள்களைச் சிதைத்துப் பல வித மது பானங்கள் தயாரிக்கப்படும் நொதித்தல் முறை மேற் கொள்ளப் படுகிறது. சக்கரோமைசிஸ் எலிப் சாய்டியஸ் என்னும் ஈஸ்ட்டிலிருந்து ஒயின், சக்கரோமைசிஸ் சேகே என்னும் ஈஸ்ட் சேர்த்துச் சாகி, சக்கரோமைசிஸ் செரிவிசியே என்னும் ஈஸ்ட்டிலிருந்து பீர் போன்ற மது பானங்கள் தயாரிக்கப் படுகின்றன.\n\nநுண்ணுயிர் எதிர்ப் பொருள்கள். நுண்ணுயிரி களிலிருந்து கீழ்க் காணும் நுண்ணுயிர் எதிர்ப் பொருள்கள் (antibiotics) தயாரிக்கப் படுகின்றன.\n\nநுண்ணுயிர் எதிர்ப்பொருள்கள்.\n\n—கா.சிவப்பிரகாசம் துணை நூல். S. A. Waksman, Soil Microbiology, John Wiley & Sons, Inc, New York, 1952."}}